ഊർങ്ങാട്ടിരി: ജൻ ശിക്ഷൺ സൻസ്ഥാൻ മലപ്പുറം ഊർങ്ങാട്ടിരി ഗ്രാമ പഞ്ചായത്തിന് കീഴിൽ നടപ്പിലാക്കിയ ടൈലറിംഗ് കോഴ്സ് പൂർത്തിയാക്കിയ പഠിതാക്കൾ ചേർന്ന് തുടങ്ങുന്ന 8 ടൈലറിംഗ് യൂണിറ്റുകളുടെ ഉദ്ഘാടനം പി വി അബ്ദുൾ വഹാബ് എം പി നിർവ്വഹിച്ചു. ഗ്രാമ പഞ്ചായത്ത് പ്രസിഡണ്ട് ജിഷ സി വാസു അധ്യക്ഷത വഹിച്ചു. ജെ എസ് എസ് ഡയറക്ടർ വി. ഉമ്മർ കോയ, വൈസ് പ്രസിഡന്റ് ഷിജോ ആൻ്റണി, കെ ഹലീമ (വികസന കാര്യ സ്റ്റാൻ്റിംഗ് കമ്മറ്റി ചെയർ പേഴ്സൺ) കെ കെ ഹസ്നത്ത് (ആരോഗ്യ വിദ്യാഭ്യാസ സ്റ്റാൻ്റിംഗ് കമ്മറ്റി ചെയർ പേഴ്സൺ) കെ ടി മുഹമ്മദ്കുട്ടി (ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ), ജമീല നജീബ് (വാർഡ് മെമ്പർ), സൈനബ. കെ, സാജിദ യു, ജെ എസ് എസ് കോഡിനേറ്റർ പി. മുജീബ് റഹ്മാൻ, ഗഫൂർ കുറുമാടൻ , അനൂപ് മൈത്ര, ബിച്ചുട്ടി കണ്ണഞ്ചേരി, പി കെ അബ്ദുറഹിമാൻ,യൂസുഫ് മാസ്റ്റർ, സി ടി അബ്ദു റഹ്മാൻ, ബാപ്പുട്ടി പാലത്തിങ്ങൽ, ഷൗക്കത്തലി എൻ.കെ, പി.എം ലുഖ്മാൻ , റിസോഴ്സ് പേഴ്സൺ റംലാ ബീഗം, ജുമൈല , മുജീബ് ത്രാവോട് , സറഫു എന്നിവർ സംസാരിച്ചു. കൂടാതെ വിവിധ രാഷ്ട്രീയ സാമൂഹിക സാംസ്‌കാരിക രംഗങ്ങളിലെ പ്രമുഖരും സംബന്ധിച്ചു.

തച്ചണ്ണ : സമസ്ത സെൻറിനറി കർമ്മ പദ്ധതികളുടെ ഭാഗമായി മഹല്ലുകളുടെ ശാക്തീകരണത്തിന് വേണ്ടിയും തുടർ പ്രവർത്തനങ്ങൾ ഏകോപിക്കുന്നതിന് വേണ്ടിയും നടപ്പാക്കുന്ന മെമ്പർഷിപ്പിന്റെ ഒന്നാംഘട്ട വിതരണ ഉദ്ഘാടനം പൂർത്തിയായി. വിതരണ ഉദ്ഘാടനം ഉസ്താദ് അബ്ദുസമദ് ഹിശാമി അവർകളും മഹല്ല് പ്രസിഡണ്ട് ഒറ്റകത്ത് അബ്ദുറഹ്മാൻ ഹാജിയും ചേർന്ന് നിർവഹിച്ചു. തുടർന്ന് നടന്ന ഉമറാ സംഗമത്തിൽ നാട്ടിലെ ഉമറാക്കൾക്ക് മെമ്പർഷിപ്പ് വിതരണവും ഉദ്ബോധന സദസും സംഘടിപ്പിച്ചു. തച്ചണ്ണ മുനീറുൽ ഇസ്ലാം സംഘത്തിൻറെ നേതൃത്വത്തിൽ എസ് എം എ, കേരള മുസ്ലിം ജമാഅത്ത്, എസ് വൈ എസ്, എസ് എസ് എഫ് എന്നീ സംഘടനകളുടെ സഹകരണത്തോടെയാണ് മഹല്ല് ശാക്തീകരണ പ്രക്രിയക്ക് തുടക്കം കുറിച്ചത്.

മഹലിന്റെ പ്രവർത്തനങ്ങൾ കൂടുതൽ കുറ്റമറ്റതാക്കുന്നതിനും പ്രവർത്തനങ്ങളുടെ ഏകോപനത്തിനും അൽ മഹൽ സോഫ്റ്റ്‌വെയറാണ് ഉപയോഗിക്കുന്നത്. മഹല്ല് നിവാസികൾക്ക് കമ്മിറ്റിയുമായി ആശയവിനിമയം നടത്തുന്നതിനും മഹല്ലിന്റെ പ്രവർത്തനങ്ങൾ ആവശ്യാനുസരണം നാട്ടുകാരിലേക്ക് എത്തിക്കുന്നതിനും വേണ്ടി ‘നമ്മുടെ മഹല്ല്‘ എന്ന വാട്സ്ആപ്പ് ഗ്രൂപ്പ് ഇതോടൊപ്പം തന്നെ ആരംഭിച്ചു കഴിഞ്ഞു. മഹല്ലിന്റെ പ്രവർത്തനങ്ങൾക്ക് ശക്തി പകരുന്നതിനുവേണ്ടി എല്ലാ മെമ്പർമാരും ഭാഗവാക്കാകണമെന്ന് മഹല്ല് സെക്രട്ടറി മുണ്ടോടൻ മൊയ്തീൻകുട്ടി ഹാജി പ്രസ്താവനയിൽ അറിയിച്ചു.

സംഗമത്തിൽ ഒറ്റകത്ത് അബ്ദുറഹ്മാൻ ഹാജി, മുണ്ടോടൻ മൊയ്തീൻ കുട്ടി ഹാജി, ഷെയ്ഖ് അലി ഹാജി, ബഷീർ മുസ്ലിയാർ മുസ്ലിയാർ കരീമാക്ക, ഉമർ ഹാജി കരിക്കാടൻ, എം കെ കുഞ്ഞാണി, ഉഴുന്നൻ അഹമ്മദ് കുട്ടി, എം ടി പോക്കർ ഹാജി, സി പി മുഹമ്മദലി മുസ്ലിയാർ, എൻ സി ബീരാൻക, സി പി ബീരാൻക ,എടി മുഹമ്മദലി മുസ്ലിയാർ, കെ സി മുഹമ്മദലി മുസ്ലിയാർ, ഹംസ കെ, കബീർ കൊന്നോത്ത് എന്നിവർ മെമ്പർഷിപ്പ് ഏറ്റുവാങ്ങി. മഹല്ലിലെ മുതിർന്ന കാരണവർമാരായ ഐതുട്ടി ഹാജി, എൻ സി അബൂബക്കർ ഹാജി, കരിമ്പന മുഹമ്മദ്ക്ക, എംപി സൈദലവി എന്നിവർക്ക് വീട്ടിൽ എത്തിയും മെമ്പർഷിപ്പ് നൽകി. സംഗമത്തിൽ ബഷീർ മുസ്ലിയാർ സ്വാഗതം പറഞ്ഞു. മഹല്ല് പ്രസിഡണ്ട് അബ്ദുറഹ്മാൻ ഹാജി ഉദ്ഘാടനവും ഉസ്താദ് അബ്ദുസമദ് ഹിശാമി വിഷയാവതരണവും നടത്തി. പ്രൗഢമായ സദസ്സ് മഹല്ല് സെക്രട്ടറി മുണ്ടോടൻ മൊയ്തീൻകുട്ടി ഹാജിയുടെ നന്ദി പ്രകാശനത്തോട് കൂടി സമാപിച്ചു.

റിപ്പോർട്ട്: അബൂസിദ്റ തച്ചണ്ണ

അരീക്കോട്: ലോകത്തുടനീളം മതരാഷ്ട്ര വാദം പ്രയോഗവത്കരിക്കാൻ ആശയങ്ങൾ പകരുകയും അതിനായി കർമ്മ സേനയെ സജ്ജമാക്കുകയും ചെയ്ത തീവ്രനിലപാടുകാരാണ് ജമാഅത്തെ ഇസ്ലാമി എന്ന് അരീക്കോട് മജ്മഅ് അലുംനി സൈക്രിഡ്. ഇസ്ലാമിൻ്റെ സമാധാന മുഖം നശിപ്പിച്ച് ഭീകരമതം എന്ന തെറ്റിദ്ധാരണ സൃഷ്ടിക്കാൻ കാരണമായത് ജമാഅത്തെ ഇസ്ലാമിയുടെ തീവ്രനിലപാടുകളാണ്. അധികാരം സ്ഥാപിക്കുന്നതിന് ജമാഅത്തെ ഇസ്ലാമി ലോകത്ത് നടത്തിയ സായുധ സംഘട്ടനങ്ങൾ മനുഷ്യത്വ രഹിതവും തുല്യതയില്ലാത്തതുമാണ്. കേരളത്തിലെയും ഇന്ത്യയിലെയും ജമാഅത്ത് ഇസ്ലാമിയും ഈ ആശയധാര സ്വീകരിച്ചവരാണെന്ന് അവരുടെ പ്രഭാഷണങ്ങളിലും പ്രസിദ്ദീകരണങ്ങളിലും ഇപ്പോഴും നിലനിൽക്കുന്ന യാഥാർത്ഥ്യവുമാണ്. മതരാഷ്ട്രവാദം ഇസ്ലാം ഉദ്ഘോഷിക്കുന്ന ബഹുസ്വര സങ്കൽപ്പത്തിന് വിരുദ്ധമാണെന്നും സൈക്രിഡ് പ്രമേയം വ്യക്തമാക്കി.

അരീക്കോട് മജ്മഇൽ ചേർന്ന സിദ്ദീഖീസ് അസോസിയേഷൻ ഫോർ ചാരിറ്റി, റിസർച്ച് ആൻഡ് എജ്യുക്കേഷൻ (സൈക്രിഡ്) കൗൺസിൽ പുതിയ ഭാരവാഹികളെ തിരഞ്ഞെടുത്തു. ഡോ. ഉമറുൽ ഫാറൂഖ് സഖാഫി സിദ്ദീഖി കോട്ടുമലയാണ് ഡയറക്ടർ. അശ്റഫ് അഹ്സനി സിദ്ദീഖി ആനക്കരയെ ചെയർമാനായും നിഷാദ് സിദ്ദീഖി രണ്ടത്താണിയെ ജനറൽ കൺവീനറായും തിരഞ്ഞെടുത്തു. സൈദ് മുഹമ്മദ് സിദ്ദീഖി പറപ്പൂരാണ് ഫിനാൻസ് കൺവീനർ. ശംസുദ്ദീൻ സിദ്ദീഖി നീരോൽപ്പാലം, അനസ് സിദ്ദീഖി ശിറിയ എന്നിവരെ ഡെപ്യൂട്ടി ഡയറക്ടർമാരായും മുജീബുർറഹ്മാൻ സിദ്ദീഖി മുണ്ടമ്പ്ര, ഉമറലി സിദ്ദീഖി കിടങ്ങഴി എന്നിവരെ യഥാക്രമം കോർഡിനേറ്റർ, അഡ്മിനിസ്ട്രേറ്റീവ് സെക്രട്ടറി സ്ഥാനങ്ങളിലേക്കും തിരഞ്ഞെടുത്തു. ബഷീർ സിദ്ദീഖി ഈങ്ങാപുഴ, റഹ്മത്തുല്ല സിദ്ദീഖി കുഴിമണ്ണ , ശുകൂർ സിദ്ദീഖി മുതുവല്ലൂർ, സലീം സിദ്ദീഖി ഒളവണ്ണ , റാഫി സിദ്ദീഖി ചേപ്പൂർ, ശാക്കിർ സിദ്ദീഖി പയ്യനാട്, നിസാമുദ്ദീൻ സിദ്ദീഖി വിളയൂർ, ഷഫീഖ് സിദ്ദീഖി വെള്ളില , ഡോ ഇബ്റാഹീം സിദ്ദീഖി ചെമ്മലശ്ശേരി, വഹാബ് സിദ്ദീഖി പറമ്പിൽപീടിക , ഇർഷാദ് സിദ്ദീഖി എടവണ്ണപ്പാറ, ഫായിസ് സിദ്ദീഖി കിടങ്ങഴി, ജാസിർ സിദ്ദിഖി മുത്തേടം എന്നിവരെ വിധിധ സമിതികളുടെ കൺവീനർമാരായും തിരഞ്ഞെടുത്തു.

സൈക്രിഡ് അലുംനി മീറ്റ് മജ്മഅ് സ്ഥാപനങ്ങളുടെ ജനറൽ സെക്രട്ടറി വടശ്ശേരി ഹസ്സൻ മുസ്‌ലിയാർ ഉദ്ഘാടനം ചെയ്തു. മജ്മഅ് പ്രിൻസിപ്പൽ അബ്ദുൽ ഖാദിർ അഹ്സനി ചാപ്പനങ്ങാടി അധ്യക്ഷത വഹിച്ചു. ഉസ്താദ് ബഷീർ ഫൈസി വെണ്ണക്കോട് മുഖ്യപ്രഭാഷണവും മജ്മഅ് പ്രസിഡൻ്റ് ശാഫി സഖാഫി മുണ്ടമ്പ്ര അനുഗ്രഹ പ്രഭാഷണവും നടത്തി. നിഷാദ് സിദ്ദീഖി രണ്ടത്താണി സ്വാഗതവും ഉമറലി സിദ്ദീഖി കിടങ്ങഴി നന്ദിയും പറഞ്ഞു.

അരീക്കോട് : സംസ്ഥാന സ്കൂൾ കലോത്സവിൽ ഹൈസ്കൂൾ വിഭാഗം കവിതാരചനയിൽ A ഗ്രേഡോടെ ഒന്നാം സ്ഥാനം നേടി സ്വാബിർ ജമീൽ. കേരള സർവകലാശാല പ്രൊഫസർ ജൗഹറിന്റെയും കീഴുപറമ്പ് ഹയർ സെക്കൻഡറി സ്കൂൾ അധ്യാപിക സൗദയുടെയും മകനാണ് സ്വാബിർ ജമീൽ. നിലവിൽ നോർത്ത് കൊഴക്കോട്ടൂർ മമ്പഉൽ ഉലൂം സുന്നി മദ്റയിൽ പത്താം ക്ലാസിലും SOHSS അരീക്കോട് പത്താം ക്ലാസിലുമാണ് പഠിച്ചു കൊണ്ടിരിക്കുന്നത്.
കഴിഞ്ഞവർഷം SSF കേരള സാഹിത്യോത്സവിൽ ഹൈസ്കൂൾ വിഭാഗം ബുക്ക്‌ ടെസ്റ്റിൽ ഒന്നാം സ്ഥാനം ലഭിച്ചിട്ടുണ്ട്. SSF മുഖ പത്രമായ രിസാലയുടെ സ്ഥിരം വരിക്കാരനും വായനക്കാരനുമാണ് ഈ മിടുക്കൻ. നിലവിൽ എസ്എസ്എഫ് നോർത്ത് കൊഴക്കോട്ടൂർ യൂണിറ്റ് ഫിനാൻസ് സെക്രട്ടറി കൂടിയാണ് സ്വാബിർ.

1️⃣ പൊറോട്ട മേക്കർ

• സ്ഥലം: അബുദാബി
• ബന്ധപ്പെടുക: WhatsApp 📞 +971557357307

2️⃣ ക്ലീനിങ് സ്റ്റാഫ് & ഹെൽപ്പർ

• സ്ഥലം: ദുബൈ
• ബന്ധപ്പെടുക: WhatsApp 📞 +971547253361

3️⃣ സെയിൽസ് മാൻ (കമ്പ്യൂട്ടർ പരിജ്ഞാനം)

• സ്ഥലം: ഷാർജ (സ്റ്റേഷനറി ഷോപ്പ്)
• ബന്ധപ്പെടുക: WhatsApp 📞 +971547978984

4️⃣ കിച്ചൻ ഹെൽപ്പർ

• സ്ഥലം: അജ്‌മാൻ (ജ്യൂസ് ഷോപ്പ്)
• നിബന്ധന: UAE ഉള്ളവർ മാത്രം
• ബന്ധപ്പെടുക: WhatsApp 📞 +971553156227

5️⃣ ഗ്രോസറി സ്റ്റാഫ് (അനുഭവമുള്ളവർ)

• സ്ഥലം: അബുദാബി സിറ്റി
• വിശദാംശങ്ങൾ: വിസ ഉള്ളവർക്കും ഓപ്പൺ
• ബന്ധപ്പെടുക: 📞 +971529546805

6️⃣ ഗ്രോസറി സ്റ്റാഫ് (അൽ ഐൻ)

• സ്ഥലം: അൽയഹയർ, അൽ ഐൻ
• ബന്ധപ്പെടുക: WhatsApp 📞 +971503314321

7️⃣ ചൈനീസ് മേക്കർ & ക്ലീനിങ് സ്റ്റാഫ്

• സ്ഥലം: ദുബൈ (കഫ്റ്റീരിയ)
• ബന്ധപ്പെടുക: 📞 +971565639171

8️⃣ സൂപ്പർമാർക്കറ്റ് സ്റ്റാഫ്

• സ്ഥലം: അബുദാബി (മശ്രീക്)
• വിശദാംശങ്ങൾ: വിസ/വിജിറ്റിങ് ഉള്ളവർക്കും
• ബന്ധപ്പെടുക: 📞 +971503173939

9️⃣ മലയാളി കുക്ക്

• ശമ്പളം: AED 3000 + വിസ & താമസ സൗകര്യം
• സ്ഥലം: UAE
• ബന്ധപ്പെടുക: 📞 +971551856385

🔟 റസ്റ്റോറന്റ് ഹെൽപ്പർ

• ശമ്പളം: AED 1200 + ഫുഡ് & താമസം
• സ്ഥലം: ഷാർജ
• CV അയക്കുക: WhatsApp 📞 +971505513979

11️⃣ ബിരിയാണി സ്പെഷ്യലിസ്റ്റ് & ഷവർമ മേക്കർ

• സ്ഥലം: ദുബായ് (പുതിയ ഹോട്ടൽ)
• വിദഗ്ധർ: നോർത്ത് ഇൻഡ്യൻ/ചൈനീസ് കുക്ക്
• ബന്ധപ്പെടുക: WhatsApp 📞 +971524120599

12️⃣ കേരള കുക്ക് & ടീ / സ്നാക്ക്സ് മേക്കർ

• ശമ്പളം: AED 2500 (കുക്ക്) + ഫുഡ് & താമസം
• സ്ഥലം: ഷാർജ
• CV അയക്കുക: WhatsApp 📞 +971505513979

കൂടുതൽ വിവരങ്ങൾക്കായി അപേക്ഷയിൽ നൽകിയ നമ്പറിൽ ബന്ധപ്പെടുക 🔗

അരീക്കോട്: അരീക്കോട് പുത്തലത്ത് പ്രവർത്തിക്കുന്ന സപ്ലൈകോയുടെ മാവേലി സ്റ്റോറിൽ സാധനം വാങ്ങാൻ എത്തിയ അരീക്കോട് കൊഴക്കോട്ടൂർ സ്വദേശിയെ ജീവനക്കാരൻ പൊതുമധ്യത്തിൽ അവഹേളിച്ചതായി പരാതി.

മാവേലി സ്റ്റോറിൽ നിന്നും റേഷൻ കാർഡ് കാണിച്ച് അവശ്യസാധനങ്ങൾ ആവശ്യപ്പെട്ട ഇദ്ദേഹത്തെ സ്റ്റേഷനറി ഉൽപ്പന്നങ്ങൾ നിർബന്ധപൂർവ്വം വാങ്ങാൻ സമ്മർദ്ദം ചെലുത്തുകയായിരുന്നു. ഇത് ചോദ്യം ചെയ്തതിന് ജീവനക്കാരൻ, ആവശ്യപ്പെട്ട സബ്സിഡി സാധനങ്ങൾ നിഷേധിക്കുകയും റേഷൻ കാർഡ് വലിച്ചെറിഞ്ഞ് അസഭ്യം പറയുകയും ചെയ്തു.

മാവേലി സ്റ്റോറിൽ നിന്നും ആദായനിരക്കിൽ സാധനം വാങ്ങുമ്പോൾ കൂടെ സ്റ്റേഷനറി ഉൽപ്പന്നങ്ങൾ നിർബന്ധമായും വാങ്ങണമെന്ന് സർക്കാർ ഉത്തരവ് ഉണ്ടെന്ന് ജീവനക്കാരൻ അവകാശപ്പെട്ടു. 2025 മുതലാണ് ഈ ഉത്തരവ് എന്നാണ് ജീവനക്കാരന്റെ വാദം. എന്നാൽ തനിക്ക് ആവശ്യമില്ലാത്ത സാധനങ്ങൾ വാങ്ങാൻ നിർബന്ധിക്കുകയും അവശ്യസാധനങ്ങൾ നൽകാതെ റേഷൻ കാർഡ് വലിച്ചെറിഞ്ഞ് പൊതു മധ്യത്തിൽ അസഭ്യം പറഞ്ഞ് അവഹേളിച്ചതിൽ പരാതി നൽകിയിരിക്കുകയാണ് ഉപഭോക്താവ്.

ജില്ലാ ഉപഭോക്ത കോടതി, ജില്ലാ കലക്ടർ മുഖ്യമന്ത്രി ഉൾപ്പെടെയുള്ളവർക്ക് ജീവനക്കാരനെതിരെ നടപടി ആവശ്യപ്പെട്ട് പരാതി നൽകിയിട്ടുണ്ട്. കൂടാതെ പരാതിയിൽ ജീവനക്കാരൻ അവകാശപ്പെട്ട വിചിത്ര ഉത്തരവിനെ കുറിച്ച് വിവരാവകാശ നിയമപ്രകാരം വിശദീകരണം ആവശ്യപ്പെടും.