കാവനൂർ : ഇളയൂർ മാടാരുകുണ്ടു സ്വദേശിയായ മുഹമ്മദ് ഖാൻ മാസ്റ്റർ വേൾഡ് വൈഡ് ബുക്ക് ഓഫ് റെക്കോർഡ്‌സിൽ ഇടം നേടി. ഓഗസ്റ്റ് 25ന് കൊച്ചിയിൽ നടന്ന പരിപാടിയിലാണ് മുഹമ്മദ് ഖാൻ മെന്റലിസം പ്രോഗ്രാം അവതരിപ്പിച് റെക്കോർഡ് നേടിയെടുത്തത്. ടെലി കെനിസ്, ഹിപ്നോട്ടിസം (മറ്റുള്ളവരുടെ മനസു വായിച്ചെടുക്കുന്ന മെന്റലിസം പ്രോഗ്രാം) നിമിഷങ്ങൾ കൊണ്ട് അവതരിപ്പിച്ചപ്പോൾ അത് ലോക റെക്കോർഡിൽ ഇടം നേടുകയായിരുന്നു.
2014 മുതൽ മോട്ടിവേഷൻ, ഫാമിലി കൗൺസലിംഗ് കരിയർ ഗൈഡൻസ്, ബിസിനസ് ട്രൈനിംഗ് രംഗത്ത് പ്രവർത്തിക്കുന്ന മുഹമ്മദ് ഖാൻ രണ്ടു വർഷത്തോളമായി മെൻ്റലിസം പരിശീലിച്ച് തുടങ്ങിയിട്ട്. ഇളയൂർ എം എ ഒ യു പി സ്കൂൾ അധ്യാപകൻ, IGP സീനിയർ ട്രൈനർ, സ്പർശം പാലിയേറ്റീവ് കെയർ ജനറൽ സെക്രട്ടറി, കൗൺസിലിംഗ് സൈക്കോളജിസ്റ്റ്, കാവനൂർ പഞ്ചായത്ത് മുസ്ലിം യൂത്ത് ലീഗ് ജനറൽ സെക്രട്ടറി എന്നീ നിലകളിൽ പ്രവർത്തിച്ചു വരികയുമാണ് മുഹമ്മദ് ഖാൻ മാസ്റ്റർ. കേരളത്തിന്‌ അകത്തും പുറത്തും മോട്ടിവേഷൻ ക്ലാസ് ബിസ്നസ് ക്ലാസ് ക്ലബ്ബുകൾക്കും സന്നദ്ധ സംഘടനകൾക്കുമായി നിരവധി പരിശീലനങ്ങൾ നൽകി വരികയാണ് ഇദ്ദേഹം.
പരേതനായ കൊട്ടക്കോട്ടിൽ മൊയ്‌തീൻ ആണ് പിതാവ്
മാതാവ് സുഹ്‌റ. ഭാര്യ നജ്മ ഹസീന മഞ്ചേരി കിടങ്ങഴി സ്വദേശിയാണ്. അംജദ് ഖാൻ, അജ് വദ് ഖാൻ, അർഷദ് ഖാൻ, ആസിഫ് ഖാൻ എന്നിവർ മക്കളാണ്. കാവനൂരിൽ വെച്ച് നടന്ന ചടങ്ങിൽ ഡോക്ടർ യൂനുസ് ചെങ്ങര ആദരിച്ചു.