1 ഇഎൽവി ഡ്രാഫ്റ്റ് മാൻ

സമാന ജോലിയിൽ ദുബായിൽ രണ്ട് വർഷമെങ്കിലും മുൻ പരിചയമുള്ളവർക്ക് അവസരം.
സ്ഥലം: ദുബായ് ബിസിനസ് ബേ

താത്പര്യമുള്ള ഉദ്യോഗാർത്ഥികൾ താഴെ നൽകിയിരിക്കുന്ന നമ്പറിൽ ബന്ധപ്പെടുക:
0545477084

2. ബേക്കറി ബോർമ പണി അറിയുന്നവർ ബന്ധപ്പെടുക. സ്ത്രീ/പുരുഷൻ അവസരം ഉണ്ട്.
ദുബായ് മുഹൈസനയാണ് ജോലിസ്ഥലം. കൂടുതൽ വിവരങ്ങൾക്കായി താഴെ ചേർക്കുന്ന നമ്പറിൽ ബന്ധപ്പെടുക:
0509641048

3. അബുദാബി മുസഫ്ഫയിൽ പ്രവർത്തിക്കുന്ന മലയാളി കഫ്റ്റീരിയയിലേക്ക് ഉടൻ രണ്ട് യുവാക്കളെ ആവശ്യമുണ്ട്.

കൂടുതൽ വിവരങ്ങൾക്കായി താഴെ ചേർക്കുന്ന നമ്പറിൽ വാട്സാപ്പിൽ ബന്ധപ്പെടുക
050 381 9127

4. ഒരു കമ്പനിയിൽ രണ്ട് മാസത്തേക്ക് പിക്കപ്പ് ഓടിക്കാൻ ഡ്രൈവറെ ആവശ്യമുണ്ട്.
2500 ദിർഹം സാലറിയും താമസവും നൽകും.

കൂടുതൽ വിവരങ്ങൾക്കായി താഴെ ചേർക്കുന്ന നമ്പറിൽ ബന്ധപ്പെടുക:
0505178183

5. അബുദാബിയിലെ ഒരു ഷോപ്പിലേക്ക് സാൻഡ്‌വിച്ച്, ജ്യൂസ് എന്നിവ ഉണ്ടാക്കാൻ കഴിവുള്ള ഒരാളെ ആവശ്യമുണ്ട്. മാസത്തിൽ രണ്ട് ദിവസം ലീവ് അനുവദിക്കും.

കൂടുതൽ വിവരങ്ങൾക്കായി താഴെ ചേർക്കുന്ന നമ്പറിൽ വാട്സാപ്പിൽ ബന്ധപ്പെടുക:
+971503117576

6. പൊറോട്ട പണി അറിയുന്ന ഒരാളെ അടിയന്തരമായി ആവശ്യമുണ്ട്.
വിസ + സാലറി + താമസം + ഭക്ഷണം എന്നിവ സ്ഥാപനം നൽകും.

കൂടുതൽ വിവരങ്ങൾക്കായി താഴെ ചേർക്കുന്ന നമ്പറിൽ ബന്ധപ്പെടുക:
0545538509

7. ദുബായിലേക്ക് സൗത്ത് ഇന്ത്യൻ കുക്കിനെ അടിയന്തരമായി ആവശ്യമുണ്ട്. പൊറോട്ട പണി അറിയുന്നവരാകണം.

കൂടുതൽ വിവരങ്ങൾക്കായി താഴെ ചേർക്കുന്ന നമ്പറിൽ ബന്ധപ്പെടുക:
+971 56 298 5690

8. ദുബായ് അൽ കരാമയിൽ പ്രവർത്തിക്കുന്ന മുംബൈ മലബാർ റസ്റ്റോറന്റിലേക്ക് നാടൻ കുക്കിനെ ആവശ്യമുണ്ട്.
മികച്ച സാലറി + ഭക്ഷണം + താമസം + വിസ എന്നിവ സ്ഥാപനം നൽകും.

താത്പര്യമുള്ള ഉദ്യോഗാർത്ഥികൾ നിങ്ങളുടെ റസ്യൂമേ താഴെ ചേർക്കുന്ന നമ്പറിൽ വാട്സാപ്പിൽ അയക്കുക.
+971 52 205 0006

9. ഷാർജ മുബാറക് സെൻ്റെറിന് സമീപം മൊബൈൽ, ലാപ്ടോപ് ടെക്നീഷ്യൻ ഒഴിവുണ്ട്. 1800 ദിർഹം സാലറിയും താമസവും നൽകും.

താത്പര്യമുള്ള ഉദ്യോഗാർത്ഥികൾ നിങ്ങളുടെ സി.വി താഴെ ചേർക്കുന്ന നമ്പറിൽ വാട്സാപ്പിൽ അയക്കുക.
0563890151

ദോഹ : ഡോളറിനെതിരെ ഇന്ത്യന്‍ രൂപയുടെ മൂല്യം ഇടിയുന്നതിനിടെ കത്തിക്കയറി ഖത്തര്‍ റിയാല്‍-രൂപ വിനിമയ നിരക്കും. ഇന്നത്തെ വിപണി അനുസരിച്ച് ഒരു ഖത്തര്‍ റിയാലിന് 23 രൂപ 19 പൈസയാണ് വിനിമയ നിരക്കെങ്കിലും പണവിനിമയ സ്ഥാപനങ്ങളില്‍ 23 രൂപ 10 പൈസയ്ക്കും 23 രൂപ 15 പൈസയ്ക്കും ഇടയിലാണ് വിനിമയ നിരക്ക് ലഭിക്കുക. വിപണിയിലേതിനേക്കാള്‍ 10-15 ദിര്‍ഹം കുറവാണ് നാട്ടിലേക്ക് അയയ്ക്കുമ്പോള്‍ ലഭിക്കുന്ന നിരക്ക്. രൂപയുടെ മൂല്യം കുറയുന്നത് പ്രവാസികളെ സംബന്ധിച്ച് വലിയ ആശ്വാസമാണ്.

മാസാവസാനം ആകുമ്പോഴേക്കും വിനിമയ നിരക്ക് ഉയരുന്നത് നാട്ടിലേക്ക് പണം അയയ്ക്കുന്ന പ്രവാസികള്‍ക്ക് ഗണ്യമായ പ്രയോജനം നല്‍കും. കഴിഞ്ഞ 6 മാസത്തിനിടെ കാര്യമായ ഏറ്റക്കുറച്ചിലുകള്‍ക്കു നടുവിലായിരുന്നു വിനിമയ നിരക്ക്. ഇക്കഴിഞ്ഞ ഓഗസ്റ്റ് 8ന് ഒരു റിയാലിന് 22 രൂപ 99 പൈസ ആയിരുന്നതാണ് ഇപ്പോള്‍ 23 രൂപ കടന്നത്. ഓഗസ്റ്റ് പകുതിയില്‍ നേരിയ തോതില്‍ രൂപയുടെ മൂല്യം ഉയര്‍ന്നപ്പോള്‍ വീണ്ടും 22 രൂപയിലേക്ക് മടങ്ങിയെങ്കിലും അടുത്ത ദിവസത്തില്‍ തന്നെ 23 രൂപയിലേക്ക് തിരികെയെത്തിയിരുന്നു.

സെപ്റ്റംബര്‍ 17 മുതല്‍ അവസാന ആഴ്ചകളില്‍ വരെ റിയാല്‍-രൂപ വിനിമയ നിരക്ക് 22 രൂപ 98 പൈസയിലേക്ക് മടങ്ങിയെത്തി. നീണ്ട ആഴ്ചകള്‍ക്ക് ശേഷം സെപ്റ്റംബര്‍ 30 നാണ് വീണ്ടും 23 എത്തിയത്. തുടര്‍ന്നിങ്ങോട്ട് നേരിയ ഏറ്റക്കുറച്ചിലുകളുണ്ടെങ്കിലും 23 രൂപയില്‍ നിന്ന് താഴോട്ട് പോയിട്ടില്ല. കഴിഞ്ഞ 10 വര്‍ഷത്തിനിടെ ഗണ്യമായ വളര്‍ച്ചയാണ് വിനിമയ നിരക്കില്‍ ഉണ്ടായിരിക്കുന്നത്. 2014 ല്‍ 17 രൂപയായിരുന്ന വിനിമയ നിരക്കാണ് ഇന്ന് 23 ല്‍ എത്തി നില്‍ക്കുന്നത്.

ഡോളറിനെതിരെ രൂപയുടെ മൂല്യം ഇടിയുന്നതാണ് റിയാലുമായുള്ള വിനിമയ നിരക്കിന്റെ വര്‍ധനയ്ക്ക് പിന്നില്‍. ജിഡിപിയിലെ വളര്‍ച്ച, പണപ്പെരുപ്പം, പലിശ നിരക്ക്, പൊതു തിരഞ്ഞെടുപ്പ്, വ്യാപാര കരാര്‍ തുടങ്ങി നിരവധി ഘടകങ്ങളും വിനിമയ നിരക്കിനെ സ്വാധീനിക്കുന്നുണ്ട്.

പതിനേഴില്‍ നിന്ന് 23 ലേയ്ക്ക് എത്താന്‍ 10 വര്‍ഷക്കാലമെടുത്തു.  രൂപയുടെ മൂല്യം ഇടിഞ്ഞതോടെ വിദേശ വിനിമയ കമ്പനികളുടെ കണക്കുകള്‍ പ്രകാരം  10 വര്‍ഷത്തിനിടെ 36.68 ശതമാനമാണ് റിയാല്‍-രൂപ വിനിമയ നിരക്കിലെ വര്‍ധന. 17 രൂപ 49 പൈസയിലാണ് 2014 ഡിസംബര്‍ 30ന് നിരക്ക് അവസാനിച്ചത്. 2015 ഓഗസ്റ്റ് അവസാനത്തിലാണ് 18 രൂപയായി വര്‍ധിച്ചത്. 4.80 ശതമാനമായിരുന്നു വിനിമയ നിരക്കിലെ വര്‍ധന. 2016 ല്‍ പതിനെട്ടില്‍ നിന്ന് താഴെ പോയിട്ടില്ല. 2017 ല്‍ പക്ഷേ വിനിമയ നിരക്കില്‍ 5.99 ശതമാനം കുറവ് സംഭവിച്ച് 16 രൂപയിലേക്ക് വരെ കുറഞ്ഞിരുന്നു. 2018 ഏപ്രിലില്‍ വീണ്ടും 18 രൂപയിലേക്ക് എത്തുകയും ഓഗസ്റ്റില്‍ 19 ലേക്ക് കടന്ന് ഒക്‌ടോബറില്‍ 20 രൂപയിലേക്ക് ഉയര്‍ന്ന് ഡിസംബറില്‍ വീണ്ടും 19 ലേയ്ക്ക് തിരിച്ചെത്തി.

2019 ല്‍ 2.25 ശതമാനമായിരുന്നു വിനിമയ നിരക്കിലെ വര്‍ധന. ഇടയ്ക്ക് പതിനെട്ടിലേക്ക് ഇടിഞ്ഞെങ്കിലും 19 രൂപയിലാണ് വര്‍ഷം അവസാനിച്ചത്. 19 രൂപ 34 പൈസയായിരുന്നു ശരാശരി നിരക്ക്. 2020 മുതലാണ് വിനിമയ നിരക്കില്‍ ഗണ്യമായ കുതിപ്പ് സംഭവിക്കുന്നത്. 2.56 ശതമാനമായിരുന്നു നിരക്ക് വര്‍ധന. ജനുവരിയില്‍ 19 രൂപയില്‍ തുടങ്ങിയ കുതിപ്പ് മാര്‍ച്ചില്‍ 20 കടന്നു. ഏപ്രില്‍ മാസത്തില്‍ ഏറ്റക്കുറച്ചിലുകളോടെ 20-21 ഇടയിലായിരുന്നു മിക്ക ദിവസങ്ങളിലും വിനിമയ നിരക്ക്. മേയ് മുതല്‍ ഡിസംബര്‍ വരെ 20 രൂപയെന്ന സ്ഥിരത തുടര്‍ന്നു. 20 രൂപ 36 പൈസയായിരുന്നു ശരാശരി നിരക്ക്.

2021 ഓഗസ്റ്റില്‍ ഇടയ്ക്ക് 19 രൂപയിലേക്ക് കുറഞ്ഞെങ്കിലും ഡിസംബര്‍ വരെ വീണ്ടും 20 രൂപയില്‍ മുന്നേറ്റം തുടര്‍ന്നു.  20 രൂപ 29 പൈസയാണ് 2021 ലെ ശരാശരി നിരക്ക്. 2021 മാര്‍ച്ച് മുതല്‍ 21 ലേയ്ക്കും ഗണ്യമായ ഏറ്റക്കുറച്ചിലുകള്‍ക്കിടയില്‍ സെപ്റ്റംബര്‍ 22 മുതല്‍ 22 രൂപയെന്ന വലിയ കുതിപ്പിലേക്കുമാണ് വിനിമയ നിരക്ക് കടന്നത്. 2022 ല്‍ ഏതാണ്ട് 11.23 ശതമാനം വരെയായിരുന്നു വിനിമയ നിരക്ക് ഉയര്‍ന്നത്. 21 രൂപ 57 പൈസ ആയിരുന്നു 2022 ലെ ശരാശരി നിരക്ക്.

2023 ലുടനീളം 22 രൂപയില്‍ സ്ഥിരത  ഉറപ്പാക്കി. 22 രൂപ 66 പൈസയായിരുന്നു ശരാശരി. 0.84 ശതമാനമായിരുന്നു വിനിമയ നിരക്കിലെ വര്‍ധന. നടപ്പു വര്‍ഷം ഓഗസ്റ്റ് 5നാണ് 23 രൂപയിലേക്കുള്ള കുതിപ്പ്. ഈ വര്‍ഷം ഇതുവരെ 1.93 ശതമാനമാണ് നിരക്ക് വര്‍ധന. 1 ഖത്തര്‍ റിയാലിന് 23 രൂപ 19 പൈസയിലാണ് വിപണിയില്‍ വിനിമയ നിരക്ക് പുരോഗമിക്കുന്നത്.

കുവൈറ്റ്: കുവൈറ്റ് റോഡുകളിൽ അശ്രദ്ധമായും നിയമങ്ങൾ ലംഘിച്ചും വാഹനമോടിക്കുന്നവർക്ക് ഇനി രക്ഷയില്ല. അവരെ പിടികൂടി നിയമത്തിനു മുന്നിൽ കൊണ്ടുവരാൻ വലവിരിച്ചിരിക്കുകയാണ് കുവൈറ്റ് ട്രാഫിക് അധികൃതർ. മൊബൈൽ ഫോൺ ഉപയോഗിക്കുന്നവരെയും സീറ്റ് ബെൽറ്റ് ധരിക്കാത്തവരെയും കണ്ടെത്താൻ ട്രാഫിക് ഡിപ്പാർട്ട്‌മെൻ്റ് നൂതന ആർട്ടിഫിഷ്യൽ ഇൻ്റലിജൻസ് എയ്ഡഡ് ക്യാമറകൾ സ്ഥാപിക്കാൻ തുടങ്ങിയതായി ട്രാഫിക് വിഭാഗം ഉദ്യോഗസ്ഥർ അറിയിച്ചു.

വിവിധ റോഡുകളിൽ ഡ്രൈവർമാർ വേഗപരിധി പാലിക്കുന്നുണ്ടോയെന്ന് നിർണ്ണയിക്കാൻ കഴിയുന്ന സ്മാർട്ട് “പോയിൻ്റ്-ടു-പോയിൻ്റ്” ക്യാമറകളും ട്രാഫിക് ഡിപ്പാർട്ട്‌മെൻ്റ് സ്ഥാപിച്ചിട്ടുണ്ട്. കർശന ശിക്ഷാ നടപടികൾ ഉൾക്കൊള്ളുന്ന പുതിയ ട്രാഫിക് നിയമം നടപ്പിലാക്കുന്നതിന് മുന്നോടിയായാണ് ഈ നടപടികൾ. കരട് ട്രാഫിക് നിയമപ്രകാരം ട്രാഫിക് നിയമലംഘകർക്കുള്ള പിഴയും പിഴയും പലമടങ്ങ് വർധിപ്പിച്ചിട്ടുണ്ട്. പുതിയ നിയമപ്രകാരം, ഡ്രൈവിങ്ങിനിടെ മൊബൈൽ ഫോൺ ഉപയോഗിക്കുന്നതിനുള്ള പിഴ 5 കുവൈറ്റ് ദിനാറിൽ നിന്ന് 75 ദിനാർ ആയും സീറ്റ് ബെൽറ്റ് ഉപയോഗിക്കാത്തതിൻ്റെ പിഴ 10 ദിനാറിൽ നിന്ന് 30 ദിനാർ ആയും വർധിപ്പിക്കും.

കരട് നിയമം ഇതിനകം നിയമ വകുപ്പ് അംഗീകരിച്ച് മന്ത്രിസഭയുടെ അംഗീകാരത്തിനായി അയച്ചിരിക്കുകയാണ്. മന്ത്രിസഭയുടെ അംഗീകാരം ലഭിച്ചാൽ, അത് ഒരു ഉത്തരവായി പുറപ്പെടുവിക്കാൻ അമീറിന് അയയ്‌ക്കും. പുതിയ ട്രാഫിക് നിയമപ്രകാരം, നിയമ ലംഘനങ്ങൾക്കുള്ള ഏറ്റവും കുറഞ്ഞ പിഴ 15 ദിനാർ ആണ്. മദ്യമോ മയക്കുമരുന്നോ കഴിച്ച് വാഹനമോടിച്ച്‌ മരണത്തിന് കാരണമാകുന്ന അപകടങ്ങൾ ഉണ്ടാക്കുന്ന ഡ്രൈവർമാർക്കാണ് നിയമപ്രകാരം ഏറ്റവും ഉയർന്ന പിഴ. 5,000 ദിനാർ വരെയാണ് ഇവർക്ക് പിഴ ചുമത്തുക. പ്രവാസികൾക്ക് സ്വന്തമായി ഒരു വാഹനം മാത്രമേ പാടുള്ളൂവെന്നും കരട് നിയമത്തിൽ വ്യവസ്ഥയുണ്ട്. കൈക്കുഞ്ഞുങ്ങളെയും കുട്ടികളെയും മുൻസീറ്റിൽ ഇരുത്തുന്നതിനുള്ള പിഴ പത്തിരട്ടിയായി വർധിച്ച് 50 ദിനാർ ആയതായും ബുഹാസൻ പറഞ്ഞു.

അതിനിടെ, കഴിഞ്ഞ ഒരാഴ്ചയ്ക്കിടെ ആഭ്യന്തര മന്ത്രാലയത്തിൻ്റെ നേതൃത്വത്തിൽ നടത്തിയ വാഹന പരിശോധനകളിൽ 39,170 ട്രാഫിക് നിയമലംഘനങ്ങൾ കണ്ടെത്തിയതായി ജനറൽ ട്രാഫിക് ഡിപ്പാർട്ട്മെൻ്റ് വ്യക്തമാക്കി. ഇതേത്തുടർന്ന് ട്രാഫിക് നിയമത്തിലെ എക്സിക്യൂട്ടീവ് റെഗുലേഷൻസ് ആർട്ടിക്കിൾ 207 പ്രകാരം 105 വാഹനങ്ങളും 55 മോട്ടോർ സൈക്കിളുകളും പിടിച്ചെടുത്തു. കൂടാതെ, വിവിധ കേസുകളിൽ പോലിസ് അന്വേഷിക്കുന്ന 48 വാഹനങ്ങൾ കണ്ടുകെട്ടി. പിടികിട്ടാ പുള്ളികളായ 21 വ്യക്തികളെ കസ്റ്റഡിയിലെടുത്തതായും പോലിസ് അറിയിച്ചു. മയക്കുമരുന്ന് കൈവശം വച്ചതായി സംശയിക്കുന്ന നാല് വ്യക്തികളെ വാഹന പരിശോധനയ്ക്കിടെ പിടികൂടി ജനറൽ ഡിപ്പാർട്ട്‌മെൻ്റിലേക്ക് റഫർ ചെയ്തു.

നവംബർ 9 മുതൽ 15 വരെയുള്ള കാലയളവിൽ മന്ത്രാലയം രാജ്യത്തിൻ്റെ വിവിധ ഭnങ്ങളിലായി 1,589 ട്രാഫിക് അപകടങ്ങൾ രേഖപ്പെടുത്തി. ഇതിൽ 1,394 എണ്ണം കൂട്ടിയിടികളാണ്. അപകടങ്ങളിൽ 195 പേർക്ക് പരിക്കേറ്റു. ഇതുമായി ബന്ധപ്പെട്ട് 211 പേരെ അറസ്റ്റ് ചെയ്തു.

അതിനിടെ, നവംബർ 11 നും 14 നും ഇടയിൽ നടത്തിയ തിരച്ചിലിൽ റെസിഡൻസി, തൊഴിൽ നിയമങ്ങൾ ലംഘിച്ച് രാജ്യത്ത് കഴിയുന്ന 389 പ്രവാസികളെ റെസിഡൻസി ഡിപ്പാർട്ട്‌മെൻ്റിലെ ഡിറ്റക്ടീവുകൾ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. 497 നിയമവിരുദ്ധരെ ഈ കാലയളവിൽ നാടുകടത്തി.