അരീക്കോട്: മുൻ പ്രധാനമന്ത്രി ഡോ. മൻമോഹൻ സിംഗിന്റെ വിയോഗത്തിൽ അനുശോചിച്ചു കൊണ്ട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ സർവ്വകക്ഷി അനുശോചന യോഗം നടത്തി. മണ്ഡലം സെക്രട്ടറി താഴത്താരി അബ്ദുൽ കരീം സ്വാഗതം പറഞ്ഞ ചടങ്ങിൽ മണ്ഡലം പ്രസിഡന്റ് യു.എസ് ഖാദർ അധ്യക്ഷത വഹിച്ചു. മണ്ഡലം സെക്രട്ടറി ബൈജീവ് എടാലത്ത് അനുശോചന പ്രമേയം വായിച്ചു.

അരീക്കോട് പഞ്ചായത്ത് പ്രസിഡന്റ് നൗഷർ കല്ലട, സിപിഐഎം ഏരിയ സെക്രട്ടറി എൻ.കെ ഷൗക്കത്തലി, ഏറനാട് നിയോജക മണ്ഡലം മുസ്ലിം ലീഗ് പ്രസിഡന്റ് പി. പി സഫറുള്ള, ഡി.സി.സി സെക്രട്ടറി അജീഷ് എടാലത്ത്, സി.പി.ഐ.എം ലോക്കൽ സെക്രട്ടറി കെ അബ്ദുൾ സാദിൽ, എ.ഡബ്ല്യൂ അബ്ദുറഹ്മാൻ, പി.കെ നാസർ മാസ്റ്റർ, പി.പി മുഹമ്മദ്‌ ഷിമിൽ, കെ ജമാൽ തുടങ്ങിയവർ അനുശോചനം രേഖപ്പെടുത്തി സംസാരിച്ചു.

അരീക്കോട് : സൈകോളജിക്കൽ മോട്ടിവേഷൻ സ്പീക്കറും എഴുത്തുകാരനുമായ ഷുഹൈലിന്റെ 5 പുസ്തകം പ്രകാശനം ചെയ്തു. പുസ്തകങ്ങൾ 1 ശ്വാസത്തിൻ നൂലറ്റത്ത് , 2 കരളാഴം കടന്നു കടൽ ദൂരത്തേക്ക്, 3 പപ്പടക്കണ്ണൻ, 4 വിജയത്തിലേക്ക് 30 മന്ത്രങ്ങൾ, 5 ഓംലെറ്റും കട്ടൻ ചായയും പിന്നെ ജിന്നും എന്നീ പുസ്തകങ്ങളാണ് പ്രകാശനം ചെയ്തത്.

പ്രഗൽഭ എഴുത്തുകാരായ മലിക് നാലകത്ത്, അഡ്വക്കേറ്റ് പിഎം സഫറുള്ള, ടി എ മടക്കൽ, റഹ്മാൻ പൂവഞ്ചേരി, കോയാക്ക എന്നിവർ നിർവഹിച്ചു, ലുക്മാൻ പി എം സ്വാഗതം പറഞ്ഞു. ചടങ്ങിൽ അരീക്കോട് ഗ്രാമപഞ്ചായത്ത് പ്രസിഡണ്ട് നൗഷർ കല്ലട അധ്യക്ഷതയും രാഷ്ട്രീയ സാമൂഹിക സാംസ്കാരിക രംഗത്തെ നിറസാന്നിധ്യമായ അഡ്വക്കറ്റ് എം റഹ്മത്തുള്ള ഉദ്ഘാടനം ചെയ്യുകയും ഉണ്ടായി. ചടങ്ങിന് പ്രമുഖ എഴുത്തുകാരും കലാകായിക സാമൂഹിക സാംസ്കാരിക പ്രഗൽഭരുമായ വി നിഗാർ ബീഗം, നാസർ എ, ലത്തീഫ് സി, കമറുദ്ദീൻ, മെഹബൂബ് എന്ന കുഞ്ഞാണി, എംപി ഡോക്ടർ ലബീത്, അബ്ദുൽ നാസർ എം, ഫിറോസ് പി. തുടങ്ങിയവർ ആശംസകൾ അർപ്പിച്ചു സംസാരിച്ചു.

അരീക്കോട്ടേയും പരിസര പ്രദേശത്തെയും വിവിധ മേഖലയിൽ കഴിവ് തെളിയിച്ച പ്രമുഖ വ്യക്തികളെ ചടങ്ങിൽ ആദരിച്ചു. മ്യൂസിക് ഫ്രണ്ട്സ് ഓർക്കസ്ട്ര കോഴിക്കോടിന്റെ ഗാനമേള ചടങ്ങിന് മികവേകി. ഷാർജ പുസ്തകമേളയിൽ ഈ പുസ്തകങ്ങൾ പ്രകാശനം ചെയ്തിരുന്നു. പ്രൗഢോജ്വലമായ നിറഞ്ഞ സദസ്സിന് എം എ സുഹൈൽ നന്ദി പറഞ്ഞു.

അരീക്കോട് : കൊഴക്കോട്ടൂർ പ്രതിഭ കലാ കായിക സാംസ്കാരിക വേദി എം ടി വാസുദേവൻ നായർ, മൻമോഹൻ സിംഗ് എന്നിവരുടെ വിയോഗത്തിൽ അനുസ്മരണ യോഗം സംഘടിപ്പിച്ചു. ജയൻ തവനൂർ സ്വാഗതം പറഞ്ഞ യോഗം രേമേഷ് ബാബു അധ്യക്ഷനായി. എം. നാസർ, എം ടി മുസ്തഫ, ശ്രീജ അനിയൻ, വാസു അരീക്കോട്, സുരേഷ് മാസ്റ്റർ തയ്യിൽ, നജാഹ്, സാദിക്ക്. പി, നാമീർ പനോളി തുടങ്ങിയവർ സംസാരിച്ചു. നഹീം പുതുവന നന്ദി രേഖപ്പെടുത്തി.

അരീക്കോട് : ഉഗ്രപുരത്തെ കൊച്ചു കൂട്ടുകാർ ക്രിസ്തുമസ്സ് കരോൾ നടത്തിയ വകയിൽ പിരിഞ്ഞു കിട്ടിയ തുക പാവപ്പെട്ട വൃക്ക രോഗികൾക്ക് സൗജന്യമായി ഡയാലിസിസ് ചെയ്യുന്ന ഏറനാട് ഡയാലിസിസ് സെന്ററിന് സംഭാവനയായി നൽകി. ട്രസ്റ്റ് വാർഡ് ചെയർമാൻ കെ.ജനാർദ്ദനൻ, ട്രസ്റ്റി ബോർഡ് അംഗം സുരേഷ് ബാബു എന്നിവർ ചേർന്ന് ഏറ്റുവാങ്ങി.

അരീക്കോട് : ഐ.എസ്.എം അരീക്കോട് മണ്ഡലം സമിതി ശാഖാ ഭാരവാഹികൾക്കായി സംഘടിപ്പിച്ച നിശാ ക്യാമ്പ് സമാപിച്ചു. ഐ.എസ്.എം സംസ്ഥാന സെക്രട്ടറി ഡോ. ഷബീർ ആലുക്കൽ ക്യാമ്പ് ഉദ്ഘാടനം ചെയ്തു. ഐ.എസ്.എം മണ്ഡലം പ്രസിഡന്റ്‌ ഹാറൂൺ സിദ്ധീഖ് ക്യാമ്പ് നിയന്ത്രിച്ചു. മൗലവി ഇബ്രാഹിം ബുസ്താനി, നിസാർ കുനിയിൽ, ഹിഷാം പി, ഡോ. യൂനുസ് ചെങ്ങര, ഡാനിഷ് തെരട്ടമ്മൽ തുടങ്ങിയവർ വിവിധ സെഷനുകൾ കൈകാര്യം ചെയ്തു. ഐ.എസ്.എം മലപ്പുറം ഈസ്റ്റ്‌ ജില്ലാ പ്രസിഡന്റ്‌ ഫാസിൽ ആലുക്കൽ സമാപന പ്രസംഗം നടത്തി.

കാവനൂർ: രാഹുൽ ഗാന്ധി എം പി യുടെ പ്രാദേശിക വികസന ഫണ്ട്‌ ഉപയോഗിച്ച് നിർമിച്ച കാവനൂർ തവരാപറമ്പ് എ കെ സി ജംഗ്‌ഷനിലെ ഹൈമാസ്റ്റ് ലൈറ്റ് പി കെ ബഷീർ എം എൽ എ ഉദ്ഘാടനം ചെയ്തു. കാവനൂർ പഞ്ചായത്ത് പ്രസിഡന്റ്‌ പി വി ഉസ്മാൻ അധ്യക്ഷനായി. ബ്ലോക്ക്‌ മെമ്പർ ഇ പി മുജീബ്, വാർഡ് മെമ്പർ ഫൗസിയ സിദ്ധീഖ്, എൻ മമ്മോട്ടി ഹാജി, രാജീവ്‌ മാസ്റ്റർ, പി എം കുഞ്ഞു, പി മൂസക്കുട്ടി, അഹമ്മദലി, ടി ഉമ്മർ, എം പി സോമൻ, സിപി സിദ്ധീഖ്, സത്യൻ പി കെ മറ്റു നാട്ടുകാർ പങ്കെടുത്തു.

അരീക്കോട്: മുൻ ഇന്റർനാഷണൽ ഫുട്ബോൾ താരവും നാടിന്റെ അഭിമാനവും ആയിരുന്ന ജാബിറിന്റെ 8-ാമത് ചരമ വാർഷിക ദിനത്തിൽ ജാബിറിന്റെ ഓർമ്മകൾക്ക് മുന്നിൽ പ്രണാമം അർപ്പിച്ചു സൗഹൃദ ഫുട്ബോൾ മത്സരം സംഘടിപ്പിച്ചു. പത്തനാപുരം ടെർഫ് ഗ്രൗണ്ടിൽ ഓൾഡ് ഫൈറ്റേഴ്സ് അരീക്കോട് സംഘടിപ്പിച്ച സൗഹൃദ ഫുട്ബോൾ മത്സരം മുൻ സംസ്ഥാനതാരം സലാം നാലകത്ത് ഉദ്ഘാടനം ചെയ്തു. യൂസഫ് സി നായകനായ ടീമും കെ.പി സമീർ നായകനായ ടീമും തമ്മിൽ നടന്ന വാശിയേറിയ മത്സരം 4:4 സമനിലയിൽ പിരിഞ്ഞു. ഇരു ടീമുകളിൽ ആയി ജമാൽ കെ, ഡോ. അനിൽകുമാർ, മുഹമ്മദലി ടി.പി, സജീർ കെ.പി, സലാം എൻ, അഷ്‌റഫ്‌ കെ, യൂനുസ് എൻ, ഷാജു, ബാബു എം.പി.ബി, മുജീബ് എം, സഫീർ എം.ടി, സാജിദ് പി.കെ, മുഹമ്മദ്‌ ടി.പി, ഡോ. സഫറുള്ള കെ, കുഞ്ഞാൻ സി, ജനീസ് വി, പി.കെ മുനീർ എന്നിവർ ബൂട്ടണിഞ്ഞു. അബ്ദുൾ നാസർ എം കളി നിയന്ത്രിച്ചു. ജമാൽ കെ നല്ല കളിക്കാരനായി തിരഞ്ഞെടുത്തു. ഡോക്ടർ സഫറുള്ള കെ ഡോക്ടർ അനിൽകുമാർ സലാം എൻ. തുടങ്ങിയവർ അനുസ്മരണ പ്രഭാഷണം നടത്തി.

അരീക്കോട്: അരീക്കോട് വെട്ടറൻസ് ഫുട്ബോൾ അസോസിയേഷൻ (VFA )മലപ്പുറം സംഘടിപ്പിച്ച ജാബിർ സി അനുസ്മരണ ചടങ്ങ് കേരള സ്പോർട്സ് കൗൺസിൽ പ്രസിഡണ്ടും മുൻ ഇന്റർനാഷണൽ ഫുട്ബോൾ താരവുമായ യു. ഷറഫലി അധ്യക്ഷത വഹിച്ചു. അനുസ്മരണ പരിപാടിയിൽ മുൻ ജില്ലാ പോലീസ് സൂപ്രണ്ട് അബ്ദുൽകരീം, കെ എഫ് എ വൈസ് പ്രസിഡന്റ് കാഞ്ഞിരാല അബ്ദുൽ കരീം, കെ വി അബൂട്ടി, എ കെ സക്കീർ, കെ വി ജാഫർ, അബ്ദുസ്സലാം നാലകത്ത്, ഹബീബ് റഹ്മാൻ, സമദ് പറച്ചിനി ക്കടവ് എന്നിവർ സംസാരിച്ചു. മുൻ ഇന്റർനാഷണൽ ഫുട്ബോൾ താരവും കേരള പോലീസിന്റെ നെടും തൂണും കഠിനാധ്വാനിയും അർപ്പണബോധവുമുള്ള കളിക്കാരനായിരുന്നു സി ജാബിർ എന്ന് അനുസ്മരണ പ്രഭാഷണത്തിൽ മുൻ എസ്.പി അബ്ദുൽ കരീം ഓർത്തെടുത്തു.

അരീക്കോട്: അണ്ടർ ട്വന്റി മലപ്പുറം ജില്ല ഫുട്ബോൾ ടൂർണമെന്റിൽ റണ്ണേഴ്സ് അപ്പായ ചക്കംതൊടിക ഗ്രൗണ്ടിൽ നിന്നും വളർന്നുവന്ന ടീം അംഗങ്ങൾക്കുള്ള സൗഹൃദ കൂട്ടായ്മയുടെ ആദരവും സൗഹൃദ കൂട്ടായ്മ പിരിച്ചെടുത്ത ചികിത്സാ ഫണ്ട് കൈമാറ്റവും നടന്നു.