കീഴുപറമ്പ്: തൃക്കളയൂർ ശാഖ എംഎസ്എം കമ്മിറ്റി രണ്ട് ദിവസങ്ങളിലായി നടത്തിയ മോറൽ ക്ലാസും ഉന്നത വിജയികളെ ആദരിക്കലും തൃക്കളയൂർ മദ്രസയിൽ വെച്ചു നടന്നു. ചടങ്ങിൽ അവാർഡുകൾ വിതരണം ചെയ്തുകൊണ്ട് ഗ്രാമപഞ്ചായത്ത് വൈസ് പ്രസിഡന്റ് പി.പി റഹ്മാൻ സാഹിബ് ഉദ്ഘാടനം നിർവഹിച്ചു. നജീം റംസാൻ അധ്യക്ഷനായിരുന്നു. എൽഎസ്എസ്, യുഎസ്എസ്, എസ്എസ്എൽസി, പ്ലസ് ടു എന്നീ പരീക്ഷകളിൽ ഉന്നത വിജയം നേടിയവരെ ചടങ്ങിൽ ആദരിച്ചു. ഗ്രാമ പഞ്ചായത്ത് വികസന സ്റ്റാൻ്റിംഗ് കമ്മിറ്റി ചെയർപേഴ്സൺ സി.കെ സഹ് ല മുനീർ, എം. അബൂബക്കർ മാസ്റ്റർ, എൻ. അബ്ദുൽ കരീം മാസ്റ്റർ, അബ്ദുൽ അസീസ് മാസ്റ്റർ, ഫായിദ് എ.വി, ഹുദൈഫ് കെ, നിബിൽ സി എന്നിവർ ആശംസകൾ അർപ്പിച്ചു സംസാരിച്ചു. മോറൽ ക്ലാസ്സിന് ശരീഫ് അൻസാരി വാവൂർ, അൻവർ ശകീബ് തൃക്കളയൂർ എന്നിവർ നേതൃത്വം നൽകി. റഫീഖ് ബാബു സ്വാഗതവും വി.പി ശിഹാബുദ്ധീൻ നന്ദിയും പറഞ്ഞു.
Comments are closed.