തിരുവനന്തപുരം: കൊങ്കൺ വഴിയോടുന്ന ട്രെയിനുകളുടെ സമയക്രമത്തിൽ മാറ്റം വന്നതായി റെയിൽവേ. കേരളത്തിലൂടെ ഓടുന്ന 36 ട്രെയിനുകളുടെ സമയക്രമമത്തിലാണ് മാറ്റം വന്നിരിക്കുന്നത്. നോണ്‍ മണ്‍സൂണ്‍ ടൈംടേബിള്‍ പ്രകാരം ഇന്ന് മുതലാണ് ട്രെയിനുകളുടെ സമയക്രമത്തില്‍ മാറ്റം വരുത്തിയിരിക്കുന്നത്.
കൊങ്കണ്‍ വഴിയുള്ള ട്രെയിനുകള്‍ പുതിയ സമയക്രമത്തില്‍ ഇന്ന് മുതല്‍ യാത്ര ആരംഭിച്ചു. യാത്രക്കാര്‍ സമയക്രമം പരിശോധിച്ച് യാത്ര ചെയ്യണമെന്ന് റെയില്‍ വേ അഭ്യര്‍ത്ഥിച്ചു. തിരുവനന്തപുരം-ഹസ്രത് നിസാമുദ്ദീന്‍, രാജധാനി വീക്കിലി എക്‌സ്പ്രസ്, തിരുവനന്തപുരം വെരാവല്‍ വീക്കിലി എക്‌സ്പ്രസ്, മംഗള ലക്ഷദ്വീപ് എക്‌സ്പ്രസ്, നേത്രാവതി എക്‌സ്പ്രസ് തുടങ്ങി കേരളത്തില്‍ സര്‍വീസ് നടത്തുന്ന 36 ട്രെയിനുകളിലാണ് മാറ്റം വരുത്തിയിരിക്കുന്നത്.
Comments are closed.