കുറ്റൂർ: ഒരു കുട്ടിയുടെ കുടുംബത്തിന് ഉപജീവന മാർഗ്ഗം ഒരുക്കി അധ്യാപകൻ രാജുവർഗ്ഗീസ് സ്വന്തം മാതൃകയായി. കുറ്റൂർ നോർത്ത് എം.എച്ച്.എം.എൽ.പി സ്കൂളിലെ അദ്ധ്യാപകൻ കൂടിയായ രാജു മാഷ്, സ്കൂളിലെ ഒരു കുട്ടിയുടെ കുടുംബത്തിന് സഹായഹസ്തം നീട്ടി, സ്വന്തമായ ചെലവിൽ രണ്ട് ആടുകളെ നൽകി. ജീവകാരുണ്യ പ്രവർത്തനങ്ങളിൽ സ്ഥിരം സാന്നിധ്യമായ രാജു മാഷ്, ഈ സ്നേഹപൂർവ്വമായ കൃതി കൊണ്ടും മാതൃകയായി മാറി.
കുടുംബത്തിന്റെ ഉപജീവനത്തിന് സഹായകരമായ ഈ ആടുകൾ കൈമാറുന്ന ചടങ്ങിൽ ഹെഡ്മാസ്റ്റർ ഉണ്ണികൃഷ്ണൻ മാസ്റ്റർ നിർവ്വഹിച്ചു. പി.ടി.എ. പ്രസിഡൻറ് നിഷാദ് കെ.പി. ചടങ്ങിൽ അദ്ധ്യക്ഷനായിരുന്നു. അദ്ധ്യാപകരായ ശശി, ബിന്ദു, ഉബൈദ്, ഷീന തുടങ്ങിയവരും കുട്ടിയുടെ കുടുംബവും ചടങ്ങിൽ പങ്കെടുത്തു.
Comments are closed.