അരീക്കോട്: കേന്ദ്ര സർക്കാർ ഇറക്കിയ മൂന്ന് കാർഷിക നിയമങ്ങൾക്കും നാല് ലേബർ കോഡുകൾക്കുമെതിരെ തൊഴിലാളികൾ നടത്തിയ പൊതുപണിമുടക്കിന്റെയും കർഷകരുടെ ദില്ലി മാർച്ചിന്റെയും നാലാം വാര്‍ഷികത്തിൽ “കുത്തകവൽക്കരണം അവസാനിപ്പിക്കുക, ജനങ്ങളുടെ ജീവനോപാധികൾ സംരക്ഷിക്കുക” എന്നിവയുൾപ്പെടെ 15 ആവശ്യങ്ങൾ ഉന്നയിച്ച് തൊഴിലാളികളും കർഷകരും രാജ്യത്താകെ സംയുക്തമായി നടത്തിയ മാർച്ചിന് ഐക്യദാര്‍ഢ്യം പ്രകടിപ്പിച്ച് കെഎസ്എസ്പിയു അരീക്കോട് ബ്ലോക്ക് കമ്മിറ്റിയുടെ ആഭിമുഖ്യത്തിൽ അരീക്കോട് പ്രകടനവും വിശദീകരണവും നടത്തി. ബേബി മാത്യു ഉദ്ഘാടനം ചെയ്തു. കെ വി ഇബ്രാഹീം കുട്ടി സംസാരിച്ചു. അബ്ദുൽ റഷീദ് അറഞ്ഞിക്കൽ സ്വാഗതവും അബ്ദുള്ള എൻ നന്ദിയും പറഞ്ഞു.
