വാഴക്കാട്: കേരള മാപ്പിള കലാ അക്കാദമി എടവണ്ണപ്പാറ ചാപ്റ്ററും പി.എച്ച് ഫൗണ്ടേഷൻ എടവണ്ണപ്പാറയും സംയുക്തമായി പി.എച്ച് അബ്ദുള്ള മാസ്റ്ററുടെ സ്മരണാർത്ഥം സംഘടിപ്പിച്ച ‘സഫീനത്ത്’ മാപ്പിളപ്പാട്ട് റിയാലിറ്റി ഷോ സീസൺ-3 സമാപിച്ചു. വാഴക്കാട് പോലീസ് സ്റ്റേഷൻ എസ്.എച്ച്.ഒ സുരേഷ് ചടങ്ങ് ഉദ്ഘാടനം ചെയ്തു. കേരള മാപ്പിള കലാ അക്കാദമി സംസ്ഥാന പ്രവർത്തക സമിതി അംഗം കെ.പി.എം ബഷീർ അധ്യക്ഷത വഹിച്ചു. ഇശൽകൂട്ടം സംസ്ഥാന പ്രസിഡന്റും പി.എച്ച് ഫൗണ്ടേഷൻ ജനറൽ സെക്രട്ടറിയുമായ സാബിഖ് കൊഴങ്ങോറൻ മുഖ്യപ്രഭാഷണം നടത്തി. ചീക്കോട് ഗ്രാമപഞ്ചായത്ത് പ്രസിഡന്റ് ശിവൻ വിളയിൽ മുഖ്യാതിഥിയായിരുന്നു. പി.എച്ച് ഫൗണ്ടേഷൻ വർക്കിംഗ് പ്രസിഡന്റ് മോട്ടമ്മൽ മുജീബ് മാസ്റ്റർ, അക്കാദമി ട്രഷറർ കണ്ണാംപുറത്ത് ബഷീർ, മലപ്പുറം ജില്ലാ ഉപാധ്യക്ഷൻ കെ.സി അബുട്ടി ഹാജി എന്നിവർ സംസാരിച്ചു.

സംസ്ഥാനത്തിന്റെ വിവിധ ഭാഗങ്ങളിൽ നിന്നായി ജൂനിയർ, സബ് ജൂനിയർ വിഭാഗങ്ങളിലായി 31 മത്സരാർത്ഥികൾ മാറ്റുരച്ചു. ജൂനിയർ വിഭാഗത്തിൽ ആയിഷ സനം കൊളമ്പലം (പി.എച്ച് ഇശൽ മാപ്പിള കലാ സ്റ്റഡി സെന്റർ, എടവണ്ണപ്പാറ), മുഹമ്മദ് നിഹാൽ എന്നിവർ ഒന്നാം സ്ഥാനവും, ഭക്ഷയ് ഇലാഹ് ഒതായി രണ്ടാം സ്ഥാനവും, ഫിയ മെഹറീഷ് മൂന്നാം സ്ഥാനവും കരസ്ഥമാക്കി. സബ് ജൂനിയർ വിഭാഗത്തിൽ ഷെഹസ മറിയം ഒന്നാം സ്ഥാനവും, റിയ ഫാത്തിമ എൽ.കെ.സി ആക്കോട് രണ്ടാം സ്ഥാനവും, യുംന ഫാത്തിമ ചീക്കോട് മൂന്നാം സ്ഥാനവും നേടി. വിധികർത്താക്കളായ ഹംസ കൊണ്ടോട്ടി, ഹമീദ് മാസ്റ്റർ പറപ്പൂർ, ഭാരവാഹികളായ ബീരാൻ ആക്കോട്, കുഞ്ഞാമു കാരാട്, സി.ടി അയമു അഴിഞ്ഞിലം, ഇഖ്ബാൽ മുഹമ്മദ്, കെ.എം ജമീല ടീച്ചർ, അലി വെട്ടുപാറ, താഹിറ മുണ്ടുമുഴി, സാജിദ കൊളമ്പലം, ഫൗസിയ കാരങ്ങര, എം.എ നാസർ ആക്കോട്, അസ്‌കർ വാഴക്കാട്, അൻവർ വാഴക്കാട്, ന്യൂസ്രിയ നീറാട്, ബുഷ്‌റ, സമീർ പള്ളിപ്പുറായി തുടങ്ങിയവർ പരിപാടിയിൽ പങ്കെടുത്തു.

കുനിയിൽ: കുനിയിൽ അൽ അൻവാർ സ്കൂളിൽ നിർമ്മിക്കുന്ന ടർഫ് കം ഓപ്പൺ സ്റ്റേജിനുള്ള ഫണ്ടിലേക്ക് അധ്യാപകരുടെയും ജീവനക്കാരുടെയും വിഹിതമായ ഒന്നര ലക്ഷം രൂപ കൈമാറി. സ്കൂളിൽ നടന്ന ചടങ്ങിൽ സ്റ്റാഫ് പ്രതിനിധികളിൽ നിന്ന് നിർമ്മാണ കമ്മിറ്റി ഭാരവാഹികൾ തുകയുടെ ചെക്ക് ഏറ്റുവാങ്ങി.

ചടങ്ങിൽ മാനേജ്മെന്റ് ട്രഷറർ ഷബീർ ബാബു, പി.ടി.എ പ്രസിഡന്റ് അസ്സൈൻ വി.പി, മാനേജ്മെന്റ് പ്രതിനിധി അൻവർ പി.പി, പ്രധാനാധ്യാപകരായ യൂസഫ് കെ, ചന്ദ്രദാസ് കെ, അഡ്മിനിസ്ട്രേറ്റർ അബ്ദുറസാഖ്, എം.ടി.എ പ്രസിഡന്റ് സഹ്‌ല കെ.സി, പി.ടി.എ മെമ്പർ അത്തീഖ് റഹ്‌മാൻ, സ്റ്റാഫ് സെക്രട്ടറി അബ്ദു ലത്തീഫ്, ഡെപ്യൂട്ടി എച്ച്.എം റുഖിയ എ.പി, അധ്യാപകനായ മുസ്തഫ കെ.കെ എന്നിവർ സംസാരിച്ചു. റസീന ടി.പി, ഷബാന പി.ടി, ഫഹ്മിന ടി, നഫ്‌ലത്ത് കെ, ഷബീർ പി.ടി, ശിഫ കെ.ടി, വീരാൻകുട്ടി, നസീബ കെ, തസ്‌ലീന എം.കെ, നസീം വി, ജംഷിറ, ഷഹനാസ്, ജംഷിയ തുടങ്ങിയവർ പരിപാടിക്ക് നേതൃത്വം നൽകി.

ചാലിയാര്‍ പുഴയ്ക്ക് കുറുകെ നിര്‍മ്മിച്ച പോത്തുകല്ല് – ഇരുട്ടുകുത്തി പാലത്തിന്റെയും അപ്രോച്ച് റോഡിന്റെയും ഔദ്യോഗിക ഉദ്ഘാടനം ഇന്ന് വൈകിട്ട് നാലിന് ഇരുട്ടുകുത്തി പാലം പരിസരത്ത് നടക്കും. പൊതുമരാമത്ത് വകുപ്പ് മന്ത്രി പി.കെ. ബഷീര്‍ ചടങ്ങ് നിര്‍വഹിക്കും.

ആര്യാടന്‍ ഷൗക്കത്ത് എം.എല്‍.എ. ചടങ്ങില്‍ അധ്യക്ഷത വഹിക്കും. പ്രിയങ്ക ഗാന്ധി എം.പി., പി.വി. അബ്ദുല്‍ വഹാബ് എം.പി. എന്നിവര്‍ മുഖ്യാതിഥികളായി പങ്കെടുക്കും.

അരീക്കോട്: ഊർങ്ങാട്ടിരി ഗ്രാമപഞ്ചായത്തിലെ ഭൂമിയുടെ ന്യായവില പ്രശ്നത്തിന് പരിഹാരമാകുന്നു. ഈ വിഷയവുമായി ബന്ധപ്പെട്ട് രണ്ടുതവണ ബഡ്ജറ്റിൽ തുക വകയിരുത്തിയിട്ടും നടപടി വൈകിയതിനെ തുടർന്ന് മലപ്പുറം കോൺഗ്രസ് കമ്മിറ്റി നേതാക്കൾ നിവലിലെ സ്ഥിതിഗതികൾ വിശദീകരിക്കുകയും ആവശ്യമായ നടപടികൾ സ്വീകരിക്കണമെന്ന് ആവശ്യപ്പെടുകയും ചെയ്തു.

തുടർന്ന് മന്ത്രി വിഷയം പരിഗണിക്കുകയും ഫയൽ ജില്ലാ കലക്ടർക്ക് കൈമാറി വിശദീകരണം തേടുകയും തുടർനടപടികൾ വേഗത്തിലാക്കാൻ നിർദേശം നൽകുകയും ചെയ്തു.

മന്ത്രിയുടെ നിർദേശത്തെ തുടർന്ന് ബന്ധപ്പെട്ട ഉദ്യോഗസ്ഥരുടെ നേതൃത്വത്തിൽ വിഷയം വിശദമായി പരിശോധിക്കുകയും ചർച്ച നടത്തുകയും ചെയ്തു. ന്യായവില സംബന്ധിച്ച പ്രശ്നങ്ങൾക്കും പ്രദേശവാസികൾ നേരിടുന്ന ബുദ്ധിമുട്ടുകൾക്കും പരിഹാരം കാണുന്നതിനുള്ള നടപടികൾ പുരോഗമിക്കുകയാണ്.

അരീക്കോട്: യാത്രക്കാർക്ക് കൂടുതൽ സൗകര്യമൊരുക്കി മലപ്പുറം, മഞ്ചേരി, അരീക്കോട്, കോഴിക്കോട് മേഖലകളെ ബന്ധിപ്പിച്ചുകൊണ്ട് കെ.എസ്.ആർ.ടി.സിയുടെ പുതിയ ഓർഡിനറി പ്രിയദർശിനി സർവീസ് ആരംഭിച്ചു. അരീക്കോട് – കുനിയിൽ പാലം – തൃക്കലയൂർ വഴിയാണ് ഈ പുതിയ സർവീസ് കടന്നുപോകുന്നത്. എടവണ്ണപ്പാറ, എളമരം, കീഴ്പറമ്പ്, വാഴക്കാട്, ആക്കോട്, ഫാറൂഖ് കോളേജ് തുടങ്ങിയ പ്രദേശങ്ങളിലുള്ളവർക്കും ഈ സർവീസ് ഏറെ പ്രയോജനകരമാകും. KSRTC അരീക്കോട് ഫാൻസ് ആണ് ഈ സമയവിവരപ്പട്ടിക പുറത്തുവിട്ടിട്ടുള്ളത്.

വിവിധ റൂട്ടുകളിലെ സമയവിവരങ്ങൾ താഴെ നൽകുന്നു:

മലപ്പുറം – അരീക്കോട് – കോഴിക്കോട്
(കുനിയിൽ പാലം – തൃക്കലയൂർ – കവിലട – ചെറുവാടി – മാവൂർ – മെഡി. കോളേജ് വഴി)

07:15 AM – മലപ്പുറം
07:45 AM – മഞ്ചേരി
08:15 AM – അരീക്കോട്
08:20 AM – ആസ്റ്റർ മിംസ് മദർ
08:30 AM – കുനിയിൽ
08:35 AM – തൃക്കലയൂർ
08:40 AM – ചെറുവാടി
08:55 AM – മാവൂർ
09:20 AM – മെഡി. കോളേജ്
09:45 AM – കോഴിക്കോട്

കോഴിക്കോട് – എടവണ്ണപ്പാറ – അരീക്കോട്
(മാവൂർ – എളമരം പാലം – കീഴ്പറമ്പ് പാലം – കുനിയിൽ പാലം)

10:20 AM – കോഴിക്കോട് പാളയം
10:40 AM – മെഡി. കോളേജ്
11:10 AM – മാവൂർ
11:15 AM – എളമരം പാലം
11:30 AM – എടവണ്ണപ്പാറ
11:45 AM – കീഴ്പറമ്പ്
11:50 AM – കുനിയിൽ
12:05 PM – അരീക്കോട്

അരീക്കോട് – എടവണ്ണപ്പാറ

12:40 PM – അരീക്കോട്
12:55 PM – കുനിയിൽ
01:00 PM – കീഴ്പറമ്പ്
01:15 PM – എടവണ്ണപ്പാറ

എടവണ്ണപ്പാറ – അരീക്കോട്

01:20 PM – എടവണ്ണപ്പാറ
01:35 PM – കീഴ്പറമ്പ്
01:40 PM – കുനിയിൽ
01:55 PM – അരീക്കോട്

അരീക്കോട് – എടവണ്ണപ്പാറ – കോഴിക്കോട്
(കുനിയിൽ – വാഴക്കാട് – ആക്കോട് – ഫാറൂഖ് കോളേജ്)

03:20 PM – അരീക്കോട്
03:35 PM – കുനിയിൽ
03:40 PM – കീഴ്പറമ്പ്
04:00 PM – എടവണ്ണപ്പാറ
04:05 PM – വാഴക്കാട്
04:20 PM – ആക്കോട്
04:45 PM – ഫാറൂഖ് കോളേജ്
05:30 PM – കോഴിക്കോട്

കോഴിക്കോട് – അരീക്കോട് – മഞ്ചേരി – മലപ്പുറം
(മെഡി. കോളേജ് – ചെറുവാടി – തൃക്കലയൂർ – കുനിയിൽ പാലം)

06:00 PM – കോഴിക്കോട് പാളയം
06:20 PM – മെഡി. കോളേജ്
06:50 PM – മാവൂർ
07:05 PM – ചെറുവാടി
07:15 PM – തൃക്കലയൂർ
07:20 PM – കുനിയിൽ
07:35 PM – അരീക്കോട്
08:05 PM – മഞ്ചേരി
08:30 PM – മലപ്പുറം

യാത്രക്കാർക്കുള്ള പ്രത്യേക നിർദ്ദേശങ്ങൾ

• ബസ് സ്റ്റാൻഡ് ഇല്ലാത്ത പ്രദേശങ്ങളിൽ നൽകിയിട്ടുള്ളത് ഏകദേശ സമയക്രമം മാത്രമാണ്, അതിനാൽ ഇത്തരം സ്റ്റോപ്പുകളിൽ യാത്രക്കാർ അല്പം നേരത്തെ തന്നെ എത്തി കാത്തുനിൽക്കേണ്ടതാണ്.
•  കൂടുതൽ വിവരങ്ങൾക്കും സംശയങ്ങൾക്കുമായി കെ.എസ്.ആർ.ടി.സി മലപ്പുറം ഡിപ്പോയുമായി ബന്ധപ്പെടാവുന്ന നമ്പർ: 9188933803.