വിശ്രമകേന്ദ്രം പൊളിക്കാനുള്ള പഞ്ചായത്ത് ഉത്തരവിന് സ്റ്റേ

അരീക്കോട് : കീഴുപറമ്പ് നോർത്തിൽ ഡിവൈഎഫ്ഐ സ്ഥാപിച്ച കാത്തിരിപ്പു വിശ്രമ കേന്ദ്രം പൊളിച്ചു മാറ്റുന്നതിനെതിരെ കോടതി ഇംഞ്ചക്ഷൻ ഉത്തരവ് പുറപ്പെടുവിച്ചു

എം.കെ അഫ്സൽ ബാബു, സജീവ് പി.ടി എന്നിവർ നൽകിയ പരാതിയിൽ കീഴുപറമ്പ് ഗ്രാമ പഞ്ചായത്ത് ദ്രുതഗതിയിൽ 7 ദിവസത്തിനകം പൊളിച്ചു മാറ്റാൻ നിർദ്ദേശിച്ച നോർത്ത് കീഴുപറമ്പിലെ ഡിവൈഎഫ്ഐ സ്ഥാപിച്ച കാത്തിരിപ്പു വിശ്രമ കേന്ദ്രം പൊളിച്ചു നീക്കുന്നതിനെതിരെയാണ് വെക്കേഷൻ ഡിസ്ട്രിക്ട് ജഡ്ജ് ഇംഞ്ചക്ഷൻ ഉത്തരവ് പുറപ്പെടുവിച്ചത്. തൽസ്ഥിതി നിലനിർത്താൻ ഗ്രാമ പഞ്ചായത്ത് സെക്രട്ടറിക്കും പരാതിക്കാരായ എം.കെ അഫ്സൽ ബാബു, സജീവ് പി.ടി എന്നിവർക്കും കോടതി ഉത്തരവ് നൽകി. ഡിവൈഎഫ്ഐക്കു വേണ്ടി കീഴുപമ്പ് സ്വദേശി സി.പി മുഹമ്മദ് റഫീഖ്, അഡ്വ. അബ്ദുൽ സലാം കൊളക്കണ്ണി മുഖേനയാണ് അന്യായം ഫയൽ ചെയ്തത്.