കൊങ്കൺ പാത സമയമാറ്റം നവംബർ 1 മുതൽ; തിരൂർ വഴിയുള്ള ട്രെയിൻ സമയത്തിൽ മാറ്റം വരും

തിരൂർ : നേത്രാവതിയും മംഗള ലക്ഷദ്വീപ് എക്സ്പ്രസും ഉൾപ്പെടെ കൊങ്കൺ വഴിയുള്ള ട്രെയിനുകൾ നോൺ മൺസൂൺ ടൈം ടേബിളിലേക്കു മാറുന്നു. നവംബർ 1 മുതലാണ് മാറ്റം. മംഗള ലക്ഷദ്വീപ് എക്സ്പ്രസ് (12618/12617) എല്ലാദിവസവും ഹസ്രത്ത് നിസാമുദ്ദീനിൽ നിന്ന് രാവിലെ 5.40ന് പുറപ്പെടും. രാത്രി 2.48ന് തിരൂരിലെത്തും. എറണാകുളത്തേക്കുള്ള യാത്രയിൽ, ജില്ലയിൽ തിരൂരിൽ മാത്രമാണ് സ്റ്റോപ്പുള്ളത്. തിരിച്ചുള്ള യാത്രയിൽ ട്രെയിൻ ഉച്ചയ്ക്ക് 3.59ന് കുറ്റിപ്പുറത്തും 4.23ന് തിരൂരിലും 4.39ന് പരപ്പനങ്ങാടിയിലും എത്തും. നേത്രാവതി എക്സ്പ്രസ് ഇനി മുതൽ തിരുവനന്തപുരത്തേക്കുള്ള യാത്രയ്ക്കിടെ രാവിലെ 8.34ന് പരപ്പനങ്ങാടിയിലും 8.48ന് തിരൂരിലും 9.09ന് കുറ്റിപ്പുറത്തും നിർത്തും. തിരിച്ച് വൈകിട്ട് 4.54ന് കുറ്റിപ്പുറത്തും 5.13ന് തിരൂരിലും 5.29ന് പരപ്പനങ്ങാടിയിലും എത്തും.

വെരാവൽ – തിരുവനന്തപുരം – വെരാവൽ വീക്ക‍്‍ലി എക്സ്പ്രസ് (16333/16334) ഇനി മുതൽ വെള്ളിയാഴ്ചകളിൽ പരപ്പനങ്ങാടിയിൽ 7.09നും തിരൂരിൽ 7.23നും കുറ്റിപ്പുറത്ത് 7.49നും എത്തും. തിരിച്ചുള്ള യാത്രയിൽ കുറ്റിപ്പുറത്ത് രാത്രി 11.09നും തിരൂരിൽ 11.24നും വണ്ടിയെത്തും. തിരിച്ചു പോകുമ്പോൾ പരപ്പനങ്ങാടിയിൽ നിർത്തില്ല.ഗാന്ധിധാം – നാഗർകോവിൽ വീക്ക‍്‍ലി എക്സ്പ്രസ് (16335/16336) ശനിയാഴ്ച രാത്രി 7.09ന് പരപ്പനങ്ങാടിയിൽ എത്തും. തിരൂരിൽ 7.23നും കുറ്റിപ്പുറത്ത് 7.49നും ട്രെയിൻ എത്തും. തിരിച്ച് ചൊവ്വാഴ്ചകളിൽ കുറ്റിപ്പുറത്ത് രാത്രി 11.09നും തിരൂരിൽ 11.24നും വണ്ടിയെത്തും.

ഓഖ – എറണാകുളം ബൈ വീക്ക‍്‍ലി എക്സ്പ്രസ് (16337/16338) ചൊവ്വയും ഞായറും പരപ്പനങ്ങാടിയിൽ രാത്രി 7.09ന് എത്തും. തിരൂരിൽ 7.24നും കുറ്റിപ്പുറത്ത് 7.49നും എത്തും. തിരിച്ച് ബുധൻ, വെള്ളി ദിവസങ്ങളിൽ കുറ്റിപ്പുറത്ത് 7.09നും തിരൂരിൽ 11.24നും പരപ്പനങ്ങാടിയിൽ 11.39നും ട്രെയിൻ എത്തും.ഭാവ്നഗർ – തിരുവനന്തപുരം വീക്ക‍്‍ലി എക്സ്പ്രസ് (19260/19259) വ്യാഴാഴ്ച രാത്രി 7.23ന് തിരൂരിലെത്തും. വ്യാഴാഴ്ചകളിൽ തിരിച്ചുള്ള യാത്രയിൽ രാത്രി 11.24നും തിരൂരിലെത്തും. അജ്മേർ – എറണാകുളം വീക്ക‍്‍ലി എക്സ്പ്രസ് എറണാകുളത്തേക്കു പോകുമ്പോൾ ഞായറാഴ്ച പുലർച്ചെ 12.23ന് തിരൂരിലെത്തും. തിരിച്ചുള്ള യാത്രയിലും ഞായറാഴ്ച രാത്രി 11.29ന് തിരൂരിലെത്തും. കേരള സമ്പർക് ക്രാന്തി ബൈ വീക്ക‍്‍ലി എക്സ്പ്രസ് (11218/12217) തിരുവനന്തപുരം നോർത്തിലേക്കുള്ള യാത്രയ്ക്കിടെ വെള്ളി, ഞായർ ദിവസങ്ങളിൽ പുലർച്ചെ 3.52ന് തിരൂരിലെത്തും. തിരിച്ച് തിങ്കൾ, ശനി ദിവസങ്ങളിൽ വൈകിട്ട് 3.49നും തിരൂരിൽ നിർത്തും.

പോർബന്തർ – തിരുവനന്തപുരം നോർത്ത് – പോർബന്തർ വീക്ക‍്‍ലി എക്സ്പ്രസ് (20910/20909) തിരുവനന്തപുരം നോർത്തിലേക്കുള്ള യാത്രയ്ക്കിടെ ശനിയാഴ്ചകളിൽ രാവിലെ 6.58ന് തിരൂരിലെത്തും. തിരിച്ച് ഞായറാഴ്ചകളിൽ വൈകിട്ട് 5.34നും തിരൂരിൽ നിർത്തും. ജാംനഗർ – തിരുനെൽവേലി – ജാംനഗർ ബൈ വീക്ക‍്‍ലി (19578/19577) തിരുനെൽവേലിയിലേക്കുള്ള യാത്രയ്ക്കിടെ ഞായറും തിങ്കളും രാവിലെ 6.58ന് തിരൂരിൽ നിർത്തും. തിരിച്ചുള്ള യാത്രയിൽ തിങ്കളും ചൊവ്വയും വൈകിട്ട് 5.34നും തിരൂരിലെത്തും.ശ്രീഗംഗാനഗർ – തിരുവനന്തപുരം വീക്ക‍്‍ലി എക്സ്പ്രസ് തിരുവനന്തപുരത്തേക്കുള്ള യാത്രയ്ക്കിടെ വ്യാഴാഴ്ചകളിൽ രാവിലെ 10.33ന് തിരൂരിലെത്തും. തിരിച്ച് ശനി രാത്രി 11.28നാണ് തിരൂരിൽ. ഗരീബ്‍രഥ് ബൈ വീക്ക‍്‍ലി എക്സ്പ്രസ് (12201/12202) തിരുവനന്തപുരം നോർത്തിലേക്കു പോകുമ്പോൾ  ചൊവ്വയും ശനിയും ഉച്ചയ്ക്ക് 11.59ന് തിരൂരിലെത്തും.

തിരിച്ച് വ്യാഴവും ഞായറും വൈകിട്ട് 3.49നാണ് തിരൂരിലെത്തുക. ലോകമാന്യ തിലക് – തിരുവനന്തപുരം നോർത്ത് ബൈ വീക്ക‍്‍ലി എക്സ്പ്രസ് (22113/22114) തിരുവനന്തപുരം ഭാഗത്തേക്ക് പോകുമ്പോൾ വ്യാഴവും ഞായറും ഉച്ചയ്ക്ക് 11.59നും തിരിച്ച് ഞായറും വ്യാഴവും രാവിലെ 7.54നും തിരൂരിൽ നിർത്തും. പുണെ– എറണാകുളം ബൈ വീക്ക‍്‍ലി എക്സ്പ്രസ് എറണാകുളത്തേക്കു പോകുമ്പോൾ വ്യാഴവും തിങ്കളും വൈകിട്ട് 3.19നും തിരിച്ച് വ്യാഴവും വെള്ളിയും രാവിലെ 7.54നും തിരൂരിൽ നിർത്തും. മിറാജ് ജംക‍്ഷൻ വഴിയുള്ള പുണെ– എറണാകുളം വീക്ക‍്‍ലി എക്സ്പ്രസ് (11097/11098) എറണാകുളത്തേക്കു പോകുമ്പോൾ ഞായർ രാത്രി 11.14നും തിങ്കൾ രാത്രി 11.39നും തിരൂരിൽ നിർത്തും. മഡ്ഗോവ – എറണാകുളം വീക്ക‍്‍ലി (10215/10216) എറണാകുളത്തേക്കു പോകുമ്പോൾ ഞായർ രാവിലെ 4.19നും തിരിച്ച് തിങ്കൾ ഉച്ചയ്ക്ക് 1.39നും തിരൂരിൽ നിർത്തും.