തുണി സഞ്ചി വിതരണോദ്ഘാടനം ജില്ല കലക്ടർ നിർവഹിച്ചു

കീഴുപറമ്പ് : മാലിന്യ മുക്ത നവകേരളം- ശുചിത്വ കേരളം സുസ്ഥിരകേരളം ജനകീയ ക്യാമ്പയിന്റെ ഭാഗമായി വാർഡ് മാലിന്യ മുക്തമാക്കുക, പ്ലാസ്റ്റിക് ഉപയോഗം പരമാവധി കുറക്കുക എന്ന ലക്ഷ്യത്തോടെ കീഴുപറമ്പ ഗ്രാമപഞ്ചായത്ത് പന്ത്രണ്ടാം വാർഡിൽ മെമ്പർ തസ്‌ലീന ഷബീറിന്റെ നേതൃത്വത്തിൽ തുണിസഞ്ചി വിതരണം ചെയ്യാൻ തീരുമാനിച്ചു. തുണി സഞ്ചി വിതരണോദ്ഘാടനം ജില്ലാ കളക്ടർ വി.ആർ വിനോദ് വാർഡ് സി ഡി എസ് മെമ്പർ മെഹറുന്നീസക്ക് നൽകി നിർവഹിച്ചു. അസി. കളക്ടർ വി.എം ആര്യ, ജില്ലാപഞ്ചായത്ത് ഡിവിഷൻ മെമ്പർ റൈഹാനത്ത് കുറുമാടൻ, മുൻ പഞ്ചായത്ത്‌ പ്രസിഡന്റുമാരായ പ്രൊഫ: കെ.എ നാസർ, റംലബീഗം എന്നിവർ പങ്കെടുത്തു.